MUGAK 2023 – EUSKADIKO NAZIOARTEKO ARKITEKTURA BIENALA
ERAKUSKETA
«OTEIZA BILBON. HIRI GELDIA»
(2023ko azaroaren 6tik abenduaren 29ra)
Erakusketa honetan, ikasle-talde batek 1994an Jorge Oteiza artistarekin Zorrozaurre berrirako egin zuen proiektua erakusten da.
Erakusketa 2023ko azaroaren 6tik abenduaren 29ra egongo da ikusgai, EHAEOren Bizkaiko Ordezkaritzaren ordutegian, 09: 00etatik 14: 00etara (astelehena-ostirala).
Inaugurazioa eta solasaldia Santos Bregaña eta Emilio Varela komisarioen eskutik izango da, azaroaren 8an, 19: 00etan, EHAEOren Bizkaiko Ordezkaritzaren erakusketa-gunean (Mazarredo zumarkalea, 71 – Bilbo).
urtean arkitekto eta ikasle talde batek Bilboko itsasadarrean Zorrozaurre penintsula antolatzeko “Thyssen Arquitectura” k antolatutako lehiaketarako proposamena egin zuen. SantosBregañak, Mikel Enparantzak, Bakarne Iturriozek, Emilio Varelak, Javier Pérezek eta Javier Zundak osatutako lantaldea Iñaki eta Jon Begiristain anaiek zuzendu zuten, eta haiek arduratu ziren laguntzaileekin topaketak antolatzeaz, Jorge Oteiza eskultorearen begirada eta aholkuei, Ramon Zalloren programari eta Iñaki Zubizarretari egindako kontsultei jarraiki.
Taldearen lana Artelekuko tailerretako batean egin zen. Oteiza behin baino gehiagotan joan zen han egiten ziren lan-saioetara, eta funtsezko ideia eta idazki batzuk eman zizkion azkenean proiektuaren memorian txertatu genuen proposamenari. Emilio Varelak gogoratzen duenez, diseinu-arazo bat sortzen zen bakoitzean, Oteizak “naturari galdetu” behar geniola esaten zigun, bertan aurkituko genituelako gure planteamenduei eman beharreko erantzun plastikoak eta justifikazio estetikoak. Kontsulta horietako batzuk – artistarenak berarenak, besteak beste – proposamenarekin batera aurkeztutako memorian jaso ziren ondoren, bai eta berak memoriaren amaieran honela definitu zuen naturarekin, lekuarekin eta kanpoko espazioarekin integratzeko ideia ere: “amaitu gabe dagoen proiektu gisa ireki zen proiektua, izan ere, amaitzeko inguruko aldaketei itxaron behar zitzaien, horiek lagundu edo neutralizatzeko eta gure espazioa kanpoko paisaiarekin erabat integratzeko”.
Proiektu honek artistaren ibilbideko gertakari berezi bat irudikatzen du, zalantzarik gabe: hirigintzako esku-hartze bat. Oteizak proiektuaren fase kontzeptualean lan egin zuen, baita diseinuan eta lehiaketara aurkezteko materiala antolatuz; ideiak hobekien adierazten dituzten maketen, marrazkien eta planoen argazkiak, eta proposamena eta hiriko paisaian integratzeko modua estetikoki azalduko zuen memoria idatziz.
